Լյուքսեմբուրգում ֆրանսերենով հեռարձակվող RTL ռադիոկայանի փոխանցմամբ՝ Թուրքիայի ֆուտբոլային ընտրանուն կարող են հեռացնել 2012 թվականի Եվրոպայի առաջնությունից։
Թուրքական Սուպեր լիգայի (առաջնություն) նկատմամբ նմանատիպ պատիժ կարող է կայացնել ՈՒԵՖԱ-ն։ Պայմանավորված խաղերի սկանդալի պատճառով արդեն մեկ ամսից ավելի է, ինչ ձգձգվում է Սուպեր լիգայի մեկնարկը։
Եթե պարզվի, որ Թուրքիայի ֆուտբոլի ֆեդերացիան (ԹՖՖ) տեղեկացված է եղել պայմանավորված խաղերի մասին և ոչինչ չի ձեռնարկել դրանց կանխման համար, ապա այդ դեպքում լիովին հնարավոր է, որ Թուրքիայի ընտրանուն զրկեն 2012 թվականի Եվրոպայի առաջնությանը մասնակցելուց։
Դրանից կօգտվի Բելգիան, ով Եվրո 2012-ի ընտրական մրցաշարի շրջանակներում Թուրքիայի հետ ընդգրկվել է նույն խմբում և նրա հիմնական մրցակիցն է։
Հիշեցնենք, որ Թուրքիայում պայմանավորված խաղերի սկանդալի շրջանակներում ձերբակալվել են տասնյակ ֆուտբոլային մարզիչներ, ղեկավարներ, խաղացողներ, այդ թվում նաև ԹՖՖ նախկին նախագահ Մահմուդ Օզգեները։
Ի դեպ, Թուրքիայի ընտրանու գլխավոր մարզիչ, հոլանդացի Գուուս Հիդդինգն իր հերթին սպառնում է լքել մարզչական ղեկը, եթե պարզվի, որ իր սաները ներքաշված են տվյալ սկանդալում։
