📌Հունվար-մայիսին Հայաստանի տնտեսական աճը կազմել է 4.3%:
Քիչ առաջ Վիճակագրական կոմիտեն հրապարակեց հունվար-մայիսի տվյալները։ Շարունակում է աճել շինարարության ոլորտը, վերականգնվել է առևտուրը։
Նշեմ, որ այս ոլորտներում է արձանագրվել եկամուտ ստացողների ամենամեծ աճը, ինչը նաև որակական ցուցանիշ է։ Որակական առումով չափազանց կարևոր է արտահանման առաջանցիկ աճը, մասնավորապես հունվար-մայիսին գրանցվել է 20.8 տոկոս աճ, ներմուծման 6.7% աճի պարագայում։
Ի դեպ նկատեցի, որ «փորձագետիկների» այն զանգվածը, որոնք գուժում էին ֆինանսական հատվածի փլուզման մասին, երբ փոխարժեքը դեպի վեր տատանումներ էր արձանագրում ու մենք ասում էինք, որ չկա հիմնարար պատճառ աժիոտաժի համար, հիմա զարմանալիորեն լուռ են: Կարծես մոռացել են իրենց կեղծ վերլուծությունների ժամանակատվածը, երբ վստահ դեմքով պնդումներ էին անում դրանք համեմելով կեղծ հիմնավորումներով ու ջնջելով նրանց ովքեր հակադրվում էին իրենց «փորձագիտական» վերլուծություններին։