Ուկրաինահայ գեղանկարիչ Բորիս Եղիազարյանը ֆեյսբուքյան իր էջում գրել է․
Ուրախ եմ տեսնելու, որ Հայաստանում խելացի ծրագրերով նոր կուսակցություններ և ուժեր կան, որոնք գնում են ընտրությունների: Հատկապես հաճույքով լսեցի Շիրինյան-Բաբաջանյան ՀՀ կուսակցության անդամների ելույթները և շատ խելացի միտք լսեցի Բաբաջանյանի ելույթում, որ ընտրություններից հետո նրանք պատրաստ են նեցուկ լինելու Փաշինյանին և իշխանություններին՝ եթե դրա կարիքը լինի: Իսկ եթե հարկ լինի պատրաստ են լինելու իբրև կոնստրուկտիվ պետականամետ օպոզիցիա, իսկ ապագայի մշակված ծրագրերի առաջարկներ իհարկե իրենք ունեն: Ողջունում եմ հայամետ պետականամետ առողջ ուժերին, իհարկե հաղթանակը մերն ա լինելու՝ ժողովրդինը և բոլոր հանցագործներն ու դավաճանները, այս օրերին բացեցին իրենց դեմքերը ու պիտի պատժվեն, որոնք օրենքով, որոնք էլ ժողովրդի գնահատականն առնելով: Ժողովուրդ ջան, քիչ մնաց, ընդհամենը մի քանի օր:
Ուրախ եմ, որ մեծ բազմություններով հավաքների ժամանակ ցույց եք տալիս, որ կանգնած եք Փաշինյանի և նաև բոլոր հայրենանվեր, պետականամետ, ազգանվեր կուսակցությունների ու ուժերի կողքին: Իսկ ինչ վերաբերվում է այդ վարձված, դավաճան, թուրքամետ կուսակցություններին ու անձաց, մարդասպաններին ու հանցագործներին սատարողներին՝ քիչ մնաց, նրանց վերջը եկել է: Դրա համար էլ գժված են ու խելագարված, ու նրանց արդեն փողն էլ չի օգնում:
Հետո, սիրելի ժողովուրդ, էս դժվարություններն ու ծանր օրերը, անսպասելիորեն տվեցին մի կարևոր արդյունք: Բոլոր դավաճաններն ու տականքները, անգամ ովքեր թաքուն էին՝ բացահայտեցին իրենց իսկական դեմքերը, և սա շատ լավ հնարավորություն է մեր ազգին՝ ինքնամաքրվելու համար: Եվ իսկապես, ժողովուրդ ջան, լավ ապագա ունենք և այդ ապագայի գրավականը մեր խելացի ստեղծագործ, մշակույթ և արժեքներ ստեղծող ժողովրդի միասնության մեջ է:
