Իսրայելի վարչապետ Բենյամին Նեթանյահուն շնորհակալություն է հայտնել ՌԴ նախագահ Վլադիմիր Պուտինին՝ իսրայելցի կնոջ Սիրիայից վերադառնալու հարցում օգնելու համար: Նրա խոսքերը մեջբերում է «ՌԻԱ Նովոստի»-ն:
Վարչապետի խոսքով, երիտասարդ կինը օրեր առաջ է հատել Սիրիայի սահմանը: Դրանից հետո Նեթանյահուն կապվել է Ռուսաստանի նախագահի հետ:
«Ես նրան խնդրեցի օգնել կնոջը վերադարձնելու հարցում, և նա գործեց: Ես կցանկանայի շնորհակալություն հայտնել նրան մեր քաղաքացիներին Իսրայել վերադարձնելու հարցում կրկին օգնելու համար»,- ասել է վարչապետը:
Նա նաև շնորհակալություն է հայտնել բոլորին, ովքեր մասնակցել են գործողությանը և շեշտել, որ Իսրայելը միշտ կանի հնարավորը՝ իր քաղաքացիներին վերադարձնելու համար: