Թուրքիան մասնակցում է Լեռնային Ղարաբաղի ռազմական գործողություններին: Այս մասին չորեքշաբթի օրը հայտարարել է Ֆրանսիայի արտաքին գործերի նախարար Ժան-Իվ Լե Դրիանը Ազգային ժողովի արտաքին հարաբերությունների հանձնաժողովում լսումների ժամանակ:
«Լեռնային Ղարաբաղի հակամարտության մեջ նորությունն այն է, որ կա Թուրքիայի ռազմական ներգրավվածությունը: Սա սպառնում է հանգեցնել հակամարտության միջազգայնացմանը, ինչից մենք ինքներս ենք փորձում խուսափել ամեն կերպ», – ասել է Լե Դրիանը:
«Ֆրանսիան բազմիցս հայտարարել է իր դիրքորոշումը։ Բոլոր կողմերը պետք է գիտակցեն, որ պետք է շուտափույթ դադարեցնել բոլոր ռազմական գործողությունները առանց որևէ նախապայմանի և սկսել բանակցություններ: Դրանք պետք է հանգեցնեն դրական արդյունքների, նույնիսկ եթե դա զգալի ժամանակ պահանջի»,- հավելել է նա:
