Չմշկավազքի քառակի օլիմպիական չեմպիոնուհի, Չինաստանի անցյալ տարվա լավագույն կին մարզիկ ճանաչված Վանգ Մենգը իր մարզիչի հետ տեղի ունեցած բանավեճից հետո հայտնվել է հիվանդանոցում: Ըստ որոշ չինական թերթերի՝ Վանգ Մենգը հարբած վիճակում է եղել և մարզիչի հետ բանավեճի է բռնվել: Մարզիչը հրել է իր սանին, և նա, վայր ընկնելով, ապակու բեկորներից վնասել է ձեռքը։
Սակայն պաշտոնական մամուլը պնդում է, որ մարզուհին վնասվել է տանը՝ կենցաղային միջադեպի հետևանքով: Ընդամենը մեկ ամիս առաջ չինացի չմշկավազորդները ծեծկռտուքի մեջ էին հայտնվել չինական քաղաքներից մեկի ոստիկանների հետ: Միջադեպի ժամանակ Վանգը բղավում էր, որ ինքը Ժողովրդական Համագումարի պատգամավոր է և աշխարհի չեմպիոն:
