Եվրահանձնաժողովն ակնկալում է, որ Ռուսաստանի իշխանությունները կկատարեն իրենց խոստումը և թույլ կտան Ալեքսեյ Նավալնիին տեղափոխել արտասահման՝ բուժման նպատակով:
Այս մասին Բրյուսելում կայացած ճեպազրույցի ժամանակ հայտարարել է ԵՄ արտաքին և անվտանգության քաղաքականության հարցերով մամուլի քարտուղար Նաբիլա Մասրալին:
«Մենք հավատում ենք, որ Ռուսաստանի իշխանությունները կկատարեն իրենց խոստումը՝ թույլ տալով Նավալնիին ապահով կերպով տեղափոխել արտասահման, որպեսզի նա կարողանա բուժում ստանալ իր ընտանիքի ցանկության համաձայն»,- ասել է մամուլի քարտուղարը:
Նա հայտարարել է, որ Եվրահանձնաժողովը երախտապարտ է Գերմանիայի բժշկական ծառայություններին՝ Նավալնիին ընդունելու պատրաստակամության համար, և նշել է, որ Մոսկվայում ԵՄ ներկայացուցչությունը սերտ կապի մեջ է Նավալնիի շտաբի հետ:
«Մենք շարունակելու ենք հետևել իրավիճակի զարգացմանը»,- խոստացել է Մասրալին: