Առևտրական բանակցություններում ԱՄՆ-ի ներկայացուցիչ Ռոբերտ Լայթհայզերը ՉԺՀ-ից իր պաշտոնակիցների հետ շփման մեջ է երկու երկրների միջև առևտրական գործարքի առաջին փուլի շուրջը, բայց Վաշինգտոնի և Պեկինի միջև բարձր մակարդակի նոր բանակցություններ պլանավորված չեն: Այդ մասին օգոստոսի 18-ին նախագահական մամուլի միավորման լրագրողներին հայտարարել է Սպիտակ տան աշխատակազմի ղեկավար Մարկ Մեդոուզը:
«Չկան հետաձգված բանակցություններ: Այս պահին չկան պլանավորված բանակցություններ: Լայթհայզերը շարունակում է զրուցել չինացի պաշտոնակիցների հետ, այդ թվում (Չինաստանի կողմից ամերիկյան արտադրանքի) գնումների և իրենց համաձայնությունների կատարման մասին: (…)
Նրանք (Չինաստանը – ծանոթ. խմբ.) կատարել են մի շարք զգալի գնումներ գյուղատնտեսության բնագավառում»,- մեջբերում է Սպիտակ տան մամուլի միավորումը Մեդոուզի խոսքը:
«Ոչ մի կարգի բանակցություններ ծրագրված չեն: Ակնհայտ է, որ առևտրական նեկայացուցիչները միմյանց հետ շփվում են բավականին կանոնավոր հիման վրա: Ինձ թվում է՝ (ԱՄՆ-ի) նախագահը (Դոնալդ Թրամփը) և շատ ամերիկացիներ իսկական հիասթափություն են ապրում (…) այն բանի վերաբերյալ թափանցիկության պակասի պատճառով, ինչ տեղի է ունեցել (կորոնավիրուսի հետ), ինչպես Է դա տեղի ունեցել,- հավելել է Մեդոուզը: Մամուլի միավորման տվյալներով նա նաև նշել Է, որ ԱՄՆ-ի նախագահը «չի ասել, թե հեռանում է առևտրական գործարքից»: «Նա ասել է, որ (դրա) ամփոփում է կատարում»,- պարզաբանել է Սպիտակ տան աշխտակազմի ղեկավարը, հաղորդել է ՏԱՍՍ-ը:
