Քաղաքագետ Ռիչարդ Կիրակոսյանը, անդրադառնալով ներքաղաքական զարգացումներին և արտաքին հարաբերություններում Հայաստանի դիրքին, կարծիք է հայտնում, որ Հայաստանի իշխանությունների և ընդդիմության միջև ծավալվող երկխոսության շնորհիվ Հայաստանը ներքուստ ավելի ուժեղ է թվում Թուրքիային և Ադրբեջանին:
«Կազանի հանդիպման ձախողումից հետո Թուրքիան զայրացած է Բաքվի վրա»,- ասում է Ռիչարդ Կիրակոսյանը և հիշեցնում, որ այսօր կամ վաղը թուրք արտգործնախարարը մեկնելու է Բաքու: Քաղաքագետը կանխատեսում է, որ մենք բոլորս շուտով ականատես ենք լինելու թուրք-ադրբեջանական՝ մեկ ազգ երկու պետությունը գաղափարի թաղմանը: «Թուրքիան Ադրբեջանի սպառնալիքները բացասաբար է ընդունում: Թուրքիան ճնշում է գործադրում, որ Ադրբեջանը մնա բանակցությունների սեղանի մոտ»,- ասում է քաղաքագետը:
Ընտրություններից հետո Թուրքիայում հայ-թուրքական հարաբերությունների հանդեպ քննարկումների թարմացումը մատնանշելով՝ Ռիչարդ Կիրակոսյանը դա պայմանավորում է նաև քուրդ պատգամավորների գործոնով:
