«Ջեյ Սթրիթ» հրեական լոբիստական կազմակերպության կողմից ԱՄՆ հրեաների շրջանում անցկացված հարցումները ցույց են տվել, որ ամերիկացի հրեաների մեծ մասն աջակցում է նախագահ Օբամայի առաջարկած պաղեստինա-իսրայելական հակամարտության կարգավորման նախագծին, որով Իսրայելը պետք է ետ քաշվի մինչ 1967 թ. պատերազմը եղած սահմանները: Այս նախագծի իրականացմանը կողմ են արտահայտվել հարցվածների 57%-ը, դեմ՝ 43%-ը: Այս մասին հաղորդում է Haaretz-ը:
Ամերիկացի հրեաների 83%-ը կողմ է ԱՄՆ դերակատարությանը պաղեստինա-իսրայելական հակամարտությունում, իսկ 70%-ն առաջարկել է հստակ սահմաններ նախագծել երկու պետությունների համար: Հարցվածների 47%-ը դեմ է, որպեսզի ԱՄՆ-ն կողմ քվեարկի Պաղեստինի անկախության հռչակմանը, իսկ 34%-ը՝ կողմ: 18%-ը կասկածում է երկու տարբերակների արդյունավետությանը:
Հարցումը ցույց է տվել, որ ամերիկացի հրեաների մեծամասնությունն աջակցում են Բարաք Օբամային: