Կյանքի 104-րդ տարում վախճանված ամերիկացի դերասան Քըրք Դուգլասն իր ամբողջ կարողությունը կտակել է բարեգործական կազմակերպություններին, հաղորդում է Mirrer-ը:
Հոլիվուդի «ոսկե դարի» դերասանը գրեթե 80 մլն դոլար է տվել իր բարեգործական հիմնադրամին, որի շահառուներն են՝ Քըրք և Աննա Դուգլասների մանկական կենտրոնը, Քալվեր-Սիթիի Քըրք Դուգլասի անվան թատրոնը և Լոս Անջելեսի մանկական հիվանդանոցը: Դերասանի կարողության մի մասն էլ ուղղվելու է Նյու Յորքում գտնվող Սուրբ Լավրենտիի համալսարան՝ անապահով ընտանիքներից ուսանողների կրթական ծախսերը հոգալու համար:
Այսպիսով, նրա զավակները՝ դերասան Մայքլ Դուգլասը, կինոպրոդյուսեր Ջոել Դուգլասը և հեռուստատեսային պրոդյուսեր Փիթեր Դուգլասը, կմնան առանց ժառանգության: Հայտնի է, որ Մայքլ Դուգլասի կարողությունը գնահատվում է 300 մլն դոլար:
