Եթե խորհրդային տարիներին խանութներում ընտրության հնարավորություն, մեղմ ասած, չկար, ապա շուկայավարման ներկայիս պայմաններում խանութներն ու սուպերմարկետները լեփ-լեցուն են և, բնականաբար, այդ ողջ ապրանքը չի իրացվում: Իսկ ի՞նչ է լինում ժամկետանց մթերքը: Քաղաքաբնակները պիտանելիության ժամկետներին հետևելու հարցում քիչ ավելի ուշադիր են: Երևանից հեռու, հատկապես գյուղական վայրերում, բնակիչների ուշադրությունը նվազում է:
ՀՀ տնտեսական մրցակցության պաշտպանության պետական հանձնաժողովը որոշել է շրջայցեր կատարել մարզերում և տեղում ծանոթանալ առկա խնդիրներին: ՏՄՊՊՀ-ից «Առաջին լրատվականին» հայտնեցին, որ հուլիսի 26-ին Հանձնաժողովի աշխատանքային խումբը կայցելի Կոտայքի, իսկ հուլիսի 27-ին՝ Արմավիրի մարզեր: Փորձագետները շրջայց կկատարեն քաղաքի խոշոր առևտրի կետերում և կծանոթանան սպառողական շուկայում տիրող իրավիճակին, կիրականացնեն գների մոնիտորինգ և կփորձեն բացահայտել օրենքի հնարավոր խախտումները:
Մրցակցության պաշտպանները նման շրջայցեր կկատարեն հանրապետության բոլոր մարզերում, որտեղ խնդիրներն ավելի բազմազան են:
