Ուկրաինայի առաջնության 2-րդ տուրի դոնեցկյան դերբիում «Մետալուրգ»-ը 0:2 հաշվով պարտվեց «Շախտյոր»-ին. գոլերի հեղիանկներ` Սրնա (45+2), Վիլլան (64):
Այս հանդիպումն առանձնակի հետաքրքրություն էր առաջացրել հայ ֆուտբոլասերի մոտ, քանզի խաղադաշտում կարելի էր տեսնել Հայաստանի հավաքականի չորս ֆուտբոլիստների:
Մեր հավաքականի ֆուտբոլիստներից երեքը` Հենրիկ Մխիթարյանը «Շախտյոր»-ից, Մարկոս Պիզելլին ու Գևորգ Ղազարյանը «Մետալուրգ»-ից, մեկնարկային կազմում էին և չփոխարինվեցին: Սպասվում էր, որ Կառլեն Մկրտչյանը երկրորդ խաղակեսում կմիանա իր թիմակիցներին, սակայն նա այդպես էլ դուրս չեկավ խաղադաշտ:
Չնայած մեր տղաները գոլի հեղինակ չդարձան, նրանք երեքն էլ չափազանց ակտիվ էին: Մխիթարյանն ու Մարկոսը գոլ խփելու երկուական հրաշալի հնարավորություն կորցրեցին, մեկ անգամ էլ Ղազարյանն էր մոտ հաջողությանը:
