Վաշինգտոնը քննարկում է Մոսկվայի նկատմամբ նոր պատժամիջոցներ սահմանելու հնարավորությունը, բայց այդպիսի միջոցների ներդրումն առայժմ չի ընդունվել: Այս մասին հայտարարել է ԱՄՆ նախագահ Բարաք Օբաման՝ փոխանցում է ITAR-TASS-ը:
«Եթե ես Ռուսաստանի նկատմամբ նոր պատժամիջոցներ չհնչեցրի, դա չի նշանակում, որ դրանք չեն պատրաստվում»,- ասել է Օբաման՝ նշելով, որ «դրանց ընդունումը համակցված է որոշակի տեխնիկական դժվարություններով, սակայն մենք քննարկում ենք ապագայում դրանց ընդունման հնարավորությունը»:
Միևնույն ժամանակ Օբաման նշել է, որ «ՌԴ-ի նկատմամբ նոր պատժամիջոցներ ընդունելը կամ չընդունելը մեծապես կախված է հենց Ռուսաստանի դիրքորոշումից»: Նա նաև կարծիք է հայտնել, որ «Ռուսաստանը հավատարիմ չէ Ուկրաինայի հարցով ժնևյան պայմանավորվածություններին»:
Ավելի վաղ Սպիտակ տան մամլո քարտուղար Ջեյ Քարնին հայտարարել էր, որ ԱՄՆ-ը արդեն պատրաստել է Ռուսաստանի նլատմամբ նոր պատժամիջոցները, սակայն դրանց ուժի մեջ մտնելու վերաբերյալ որոշման ընդունումը կախված է Ուկրաինայի շուրջ իրադարձությունների հետագա զարգացումից:
