ՀՀ ԱԺ «Իմ քայլը» խմբակցության պատգամավոր Թագուհի Թովմասյանի գնահատմամբ՝ «Ժողովուրդ» օրաթերթի խմբագրություն են մտել ինֆորմացիա փնտրելու համար, սակայն ներխուժումը նաև նախազգուշական բնույթ է կրել։ Այս մասին այսօր լրագրողների հետ ճեպազրույցում ասաց պատգամավորը, ով նախկինում եղել է օրաթերթի գլխավոր խմբագիր։
Հիշեցնենք, որ այսօր առավոտյան «Ժողովուրդ» օրաթերթի խմբագրության աշխատակիցները խմբագրությունը հայտնաբերել են տակնուվրա արված։ Թանկարժեք իրերը՝ համակարգիչները, տեսախցիկները տեղում են եղել, դրանք չեն հափշտակվել։
Նա նշեց, որ ներխուժողները ձեռնոցներով են աշխատել ու այնպես արել, որ հնարավոր մատնահետքերը վերանան։