«Մամուլի հետ սուրճ» հաղորդման դեկտեմբերի 19-ի հյուրը լրագրող Ռոզա Հովհաննիսյանն է։
Մեր զրուցակիցն անդրադարձավ վարչապետի դստեր՝ Մարիամ Փաշինյանի համար մեքենա գնելու մամուլի հրապարակումներին, ինչպես նաև Փաշինյանի խոսնակի մեկնաբանությանը.«Երեկվանից մտածում եմ ՝ ի՞նչն էր խանգարում, որ վարչապետի մամուլի քարտուղարը լղոզված պարզաբանում չտար։Մեկը ինձ համար՝ որպես լրագրող անհայտ մնաց մեքենա գնվե՞լ է, թե՞ ոչ։ Ինֆորմացիան լղոզելը, մանիպուլացիա անելը լավ բան չէ։ կարող են կասկածներ առաջանալ, որ այս իշխանությունն էլ է գնում նախորդի հետքերով.։
Մյուս կողմից լրագրողը շեշտում է՝ այսօր կան շատ լրատվամիջոցներ, որոնք նախկին իշխանությունների քարոզչամեքենան են.«Այդ նախկին իշխանությունները տնօրինում են նրանց, որովհետև տարբեր ճանապարհներով ֆինանսական ռեսուրսներ են կիրառել նախկինում։ Դրանց միջոցով կարող են վարչապետի, նրա ընտանիքի վերաբերյալ ինֆորմացիա գցել դաշտ ու շահարկել։ Շատ հաճախ այդ ինֆորամցիայի մի մասը սուտ է դուրս գալիս։ Այս երկու զուգահեռ իրականությունն է»։
Հարցազրույցն ամբողջությամբ՝ տեսանյութում
