Բոլիվիայի նախկին նախագահ Էվո Մորալեսը ժամանել է Մեքսիկա, որտեղ նրան քաղաքական ապաստան են տրամադրել, հաղորդում է «ՌԻԱ Նովոստին»:
Մորալեսին երկրի մայրաքաղաք տեղափոխող ինքնաթիռը ժամանել է երկուսուկես ժամ ուշացումով: Դա բացատրվում է Պարագվայի օդային տարածքով թռիչքի երթուղին համաձայնեցնելու և թռիչքի թույլտվություն ստանալու դժվարություններով: Մեքսիկայի արտաքին գործերի նախարար Մասելո Էբրարդը հայտարարել է, որ Պարագվայի կառավարության հետ բանակցություններին մասնակցել է նաև Արգենտինայի նախագահը, իսկ չվերթի երթուղին համաձայնեցում էր պահանջում Բրազիլիայի և Էկվադորի իշխանությունների հետ:
Հաղորդվում է, որ Էբրարդը Մորալեսին դիմավորել է վայրէջք կատարած ինքնաթիռի տրապի մոտ: Բոլիվիայի նախկին առաջնորդի հետ Մեքսիկա է ժամանել նաև նախկին փոխնախագահը: