Tuesday, 19 03 2024
14:53
2 ոսկե, 1 արծաթե, 1 բրոնզե մեդալներ. աշխարհի գավաթի արդյունքները
15:46
Ավելին կարող էի, կուղղեմ սխալներս. Եվրոպայի կրկնակի չեմպիոն Գոռ Սահակյան
15:44
Ուժերս հավաքեցի, կռիվ տվեցի ու առաջին տեղը գրավեցի. Ալեքսանդրա Գրիգորյան
15:42
Արեցի՝ ինչ կարող էի ու հաղթեցի. Եվրոպայի չեմպիոն Վարազդատ Լալայան
15:41
Չեմպիոնության ճանապարհը հեշտ չէր. Հակոբ Մկրտչյան
15:40
Մեդալի գույնը կապ չունի. կարողացա խոստումս պահել, բարձրացնել մեր դրոշը, Հռիփսիմե Խուրշուդյան
21:10
Զուռնա-դհոլով ու դափնիներով դիմավորեցին չեմպիոններին
16:11
Չեմպիոնության համար էի գնացել, հավատում էի, որ կհասնեմ. Արման Անդրեասյան
16:10
Նախ՝ ադրբեջանցի, հետո էլ՝ թուրք մրցակիցներին հաղթեց 10-0 հաշվով ու դարձավ Եվրոպայի քառակի չեմպիոն
Ինչպես գործարքի գնալ ռուսների հետ․ Մանրամասներ Սևիկյանի տրանսֆերից
300․000 եվրո` Ռուսաստանից գնալու համար․ Հայ ֆուտբոլիստի որոշման արժեքը․․․
Մխիթարյանի պատմական ցուցանիշը․ Հայ ֆուտբոլիստը` լավագույն հնգյակում
12:45
Հայաստանի ռեկորդն առանց աշխարհի չեմպիոնի
Լավագույն տղերքը վերադառնում են․ Ֆուտբոլը փրկելու առաջին քայլը․․․
Ռուսաստանի լավագույններն առանց ռուսների․ Ո՞վ կհաջորդի Զախարյանին
«Փյունիկի» պատասխանը ՀՖՖ-ին․ Արթուր Սողոմոնյանը կփոխի՞ որոշումը
Սպերցյանը՝ «Յուվենտուսի» դիտակետում․ Ե՞րբ կկայանա գործարքը
Տարվա գործարքը․ Նոր պայմաններ Հայաստանի լավագույն ֆուտբոլիստի համար
Հաղթել ենթախմբում․ Ինչ է սպասվում Հայաստանի հավաքականին 2024 թվականին
Հայաստան-Ալբանիա․ 2024 թ․ առաջին մեծ իրադարձությունը հայկական սպորտում
2023 թվականի Հայաստանի 10 ամենթանկ ֆուտբոլիստները
12:40
Պատական հաջողություն Երևանում․ 2023 թվականի ոսկե փայլատակումը հայկական սպորտում
12:40
+128 մեդալ․ Հայաստանի նոր ռեկորդը սպորտում
Ինչ է արել Պետրակովը Հայաստանի հավաքականի համար․ Թվեր և փաստեր
Ալեքսանդր Պետրակովը՝ Հայաստանի 2023 թ. լավագույն մարզիչ
Հենրիխ Մխիթարյանը՝ Հայաստանի 2023 թ. լավագույն ֆուտբոլիստ
ՀՖՖ-ի որոշումը Պետրակովի վերաբերյալ․ Գալիք տարվա մեր նպատակը․․․
4 միլիոն եվրո․ Մանրամասներ Հենրիխ Մխիթարյանի պայմանագրից
2023 թվականի Հայաստանի լավագույն մարզիչը
22:30
Արգենտինայի ֆուտբոլի ֆեդերացիան հայտարարություն է տարածել

Ինչու հեռացավ Հայաստանի լավագույն ֆուտբոլիստը․ ազգային թիմի շարքերը նոսրանում են

Երեկ հայտնի դարձավ, որ Մարկոս Պիզելին այլևս չի կրի ֆուտբոլի Հայաստանի ազգային հավաքականի մարզաշապիկը: Բոլոր ժամանակների մեր ազգային թիմի լավագույն ֆուտբոլիստներից մեկը ավարտեց կարիերան Հայաստանի գլխավոր թիմում: Հատկանշական է, որ Պիզելին հեռացավ Հայաստանի լավագույն ֆուտբոլիստի կարգավիճակով: Անցյալ տարվա դեկտեմբերին հավաքելով 171 միավոր՝ Հայաստանի 2018 թ. լավագույն ֆուտբոլիստ էր ճանաչվել «Ակտոբեի» կիսապաշտպան Մարկոս Պիզելին: Մարկոսն արժանի էր այս պարգևին:  10 տարուց ավել Պիզելին խաղում էր Հայաստանի ազգային հավաքականում՝ դառնալով առանցքային ֆիգուրներից մեկը: Ազգությամբ բրազիլացի ֆուտբոլիստը այս տարիների ընթացքում շատ ավելի մեծ նվիրումով է խաղացել մեր հավաքականում, քան տեղացի բազմաթիվ ֆուտբոլիստներ:

Պիզելին երկու անգամ՝ 2007 և 2008 թվականներին, դարձել է Հայաստանի Բարձրագույն խմբի առաջնության լավագույն ռմբարկու, սակայն լավագույն ֆուտբոլիստի կոչմանը չէր արժանացել: Հասունացել էր պահը, որ Մարկոսը ճանաչվի նաև Հայաստանի լավագույն ֆուտբոլիստ: Ղազախստանի Պրեմիեր-լիգայի 2018 թվականի առաջնությունում Պիզելին խփած 18 գոլով ճանաչվել էր լավագույն ռմբարկուն: Մեր ֆուտբոլիստն արժանացել է նաև Ղազախստանի լավագույն ֆուտբոլիստի կոչմանը: Ղազախստանի առաջնությունը որակապես գերազանցում է Հայաստանի առաջնությանը: Ղազախստանում հանդես են գալիս բազմաթիվ բարձրակարգ ֆուտբոլիստներ, որոնց միջև կա բարձր մրցակցություն: Մարկոսը Ղազախստանի այս առաջնության ոչ միայն լավագույն, այլև ամենախարիզմատիկ և հայտնի ֆուտբոլիստն էր: Անցյալ տարի Ազգերի լիգայի խաղարկությունում Մարկոսը գերազանց ելույթ ունեցավ նաև Հայաստանի հավաքականի կազմում: Նրա անմիջական ջանքերով հաղթեցինք Լիխտենշտեյնի և Մակեդոնիայի հավաքականներին:

35-ամյա մեր կիսապաշտպանի անցկացրած մրցաշրջանն իսկապես տպավորիչ էր: 2018 թվականին այդպես էլ չնկատվեց գեթ մեկ երիտասարդ ֆուտբոլիստ, որը կարող էր տեղ ունենալ գոնե լավագույնների եռյակում: Պատկերն իսկապես տխուր է: Ու հիմա հարց է ծագում՝ ո՞վ կլիներ լավագույնը, եթե Մարկոսը փայլուն մրցաշրջան չանցկացներ: Մխիթարյա՞նը, Սարգիս Ադամյա՞նը… Այո, Բունդեսլիգայում Ադամյանը աչքի է ընկնում արդյունավետությամբ, բայց ազգային թիմում նրա խաղը դեռ այն չէ: Լավագույնը ճանաչվելու համար առաջնահերթ է արդյունքը, որը, բացի Մարկոսից, ըստ էության ոչ մի ֆուտբոլիստ ցույց չէր տվել: Այսօր Հայաստանի ազգային հավաքականը գտնվում է ծանր իրավիճակում: Մեր ազգայի թիմի շարքերը նոսրանում են, իսկ ռեզերվում չեն նկատվում այն ֆուտբոլիստները, որոնք կարող են համարժեք կերպով փոխարինել վետերաններին: Հեռու չէ այն ժամանակը, երբ հավաքականին հրաժեշտ կտան առաջատար մյուս ֆուտբոլիստները՝ Հենրիխ Մխիթարյանը, Գևորգ Ղազարյանը, Կառլեն Մկրտչյանը, Արաս Օզբիլիսը․․․: Նոյեմբերի 15-ին կայանալիք Եվրոպայի առաջնության ընտրական փուլի Հունաստանի հավաքականի հետ հանդիպմանն ընդառաջ ունենք լուրջ կորուստներ: Բացի Մարկոսից՝ հավաքականում չեն նաև Հենրիխ Մխիթարյանը, Սարգիս Ադամյանը, Կառլեն Մկրտչյանը: Պետք է խոստովանենք, որ առաջիկա հանդիպումներում Պիզելիի կարիքը շատ է զգացվելու, բայց․․․: Կապված հայկական ֆուտբոլում առկա լարված իրավիճակի հետ, ոմանք փորձում են Մարկոսի հեռանալը կապել նեգատիվ իրադարձությունների հետ: Վստահաբար կարող ենք ասել, որ մեր հավաքականի առաջատարներից մեկի որոշումը  չի կարող կապ ունենալ այլ գործոնների հետ: Ծանր իրավիճակումներում այս ֆուտբոլիստը միշտ եղել է Հայաստանի հավաքականի կողքին, իսկ հարկ եղած դեպքում օբյեկտիվ գնահատականներ հնչեցրել: Պիզելիի որոշումը միայն ու միայն հարգանքի է արժանի: Իրական պրոֆեսիոնալը վստահ է, որ իր առաքելությունն ազգային թիմում ավարտված է: Սա է հեռանալու միակ և օբյեկտիվ պատճառը: Պիզելին հեռացավ լավագույնի կարգավիճակով՝ իր տեղը զիջելով երիտասարդներին:

«Ես արդեն տեղեկացրել եմ Հայաստանի ֆուտբոլի ֆեդերացիային, որ այլևս չեմ խաղալու Հայաստանի ազգային հավաքականում: Այժմ գտնվում եմ լավ մարզավիճակում, լիովին վերականգնվել եմ վնասվածքից: Ինձ շատ լավ եմ զգում:«Ակտոբեից» հեռանալու որոշումը դժվար չստացվեց, քանի որ այս տարին ոչ միայն ինձ համար հաջող չէր, այլև՝ ակումբի: Կան մի քանի ակումբներ, որոնք հետաքրքրված են իմ ծառայություններով, այժմ ազատ գործակալի կարգավիճակ ունեմ և նաև կա ժամանակ մտածելու համար:Տեսնում եմ, որ Հայաստանի առաջնությունը որոշակի առաջընթաց է գրանցել, բայց այն դեռ շատ հեռու է բարձրակարգ համարվելուց: Այնտեղ պետք է ավելի շատ հնարավորություններ տալ երիտասարդ խաղացողներին, որպեսզի կարողանան իրենց որակները ցույց տալ և առաջադիմել ավելի բարձրակարգ առաջնություններում խաղալու համար»,- Topspots.am-ի թղթակցի հետ զրույցում նշել է Մարկոս Պիզելին: Վերջինս  2008 թվականից էր հանդես գալիս Հայաստանի հավաքականում, որի կազմում անցկացրել է 66 հանդիպում և դարձել 11 գոլի հեղինակ: Ղազախստանի ավարտված առաջնությունում նա անցկացրել է 11 խաղ, դարձել 2 գոլի և 3 արդյունավետ փոխանցման հեղինակ։

Օգտվելով առիթից անհրաժեշտ ենք համարում շնորհակալություն հայտնել Մարկոս Պիզելիին տարիներ շարունակ մեր հավաքականին օգնելու և մեր երկրի պատիվը բարձր պահելու համար: Հարկ ենք համարում նշել, որ Պիզելիի հրաժեշտի հանդիպում կազմակերպելն անհրաժեշտություն է:

Բաժիններ
Ուղիղ
Լրահոս
Որոնում