89-ամյա Սերժ Դասոն՝ ավիակոնստրուկտոր Մարսել Դասոյի որդին, որն ազդեցիկ ֆրանսիացի բիզնեսմեն է և քաղաքական գործիչ, կարող է մասնակից լինել ընտրողներին կաշառելուն, ընտրարշավի անօրինական ֆիանսավորմանը և ընտրարշավի ֆինանսավորման առավելագույն չափերի գերազանցմանը։
Սերժ Դասոյին մեղադրանք է ներկայացվել Կորբեյ Էսոն քաղաքում, տեղեկացնում է France-Presse գործակալությունը՝ հղում անելով դատարանում իր աղբյուրին։
2014 թ. փետրվարին Ֆրանսիայի Սենատը (խորհրդարանի վերին պալատը) քվեարկել է Դասոյին պատգամավորական անձեռնմխելիությունից զրկելու օգտին։ Դա արվել է գործարարի խնդրանքով. Դասոն համարում է, որ հետաքննությունը թույլ կտա իր վրայից հանել 2008, 2009 և 2010 թվականներին Կորբեյ Էսոն կոմունայում քաղաքային ընտրությունների ժամանակ թույլ տրված խախտումների կասկածները։
Նրա դեմ գործ է հարուցվել 2013-ի մարտին, սակայն պատգամավորական անձեռնմխելիությունը թույլ չի տվել դատավորներին քննություն վարել։
