Լեհաստանում Հռոմի պապ Հովհաննես Պողոսի հայրենի քաղաքում՝ Վադովիցեում, բացվել է պապի տուն-թանգարանը:
Այդ տանը պապի ծնողները բնակվել են 1919 թվականից սկսած: Մեկ տարի անց այդ տանն է ծնվել Հովհաննես Պողոսը պապը: 1978 թ. նրա պապ ընտրվելուց հետո այս տունը ուխտագնացությունների վայր է դարձել, գրում է ITAR-TASS-ը: Ավելի ուշ տանը թանգարան է կազմակերպվել, որը 20 տարի է գործել: Վերջերս այն վերակառուցել են:
Տանը մի քանի հարյուր առարկաներ են ցուցադրված, որոնք պատկանել են պապին:
Թարմացված թանգարան արդեն ացելել են Լեհաստանի նախագահ Բրոնիսլավ Կոմորովսկին կնոջ հետ, վարչապետ Դոնալ Տուսկը և Կրակովի կարդինալ Ստանիսլավ Դիվիշը:
Թանգարանի բացումը նվիրված է Հովհաննես Պողոսի ձեռնադրման տարելիցի առթիվ կազմակերպված արարողությանը, որը տեղի կունենա ապրիլի 27-ին Վատիկանում:
