Ամերիկյան զինվորականները հարված են հասցրել Սիրիայի հյուսիսային հատվածին: Այս մասին հաղորդում է Reuters գործակալությունը՝ հղում անելով աղբյուրներին:
Ինչպես նշվում է, ամերիկյան F-15 երկու ինքնաթիռ օդային հարված են հասցրել, որպեսզի վերացնեն իրենց նահանջելուց հետո թողած զինամթերքով և զինվորական տեխնիկայով պահեստը:
Աղբյուրները հավաստում են, որ պահեստը ոչնչացվել է այն բանից հետո, երբ հոկտեմբերի 16-ին ողջ անձնակազմը այն լքել է:
ԱՄՆ-ը գնացել է այդ քայլին, որպեսզի թույլ չտա մյուս ուժերին օգտագործել ամերիկյան ռազմական պաշարները, ավելացրել է աղբյուրը:
Հոկտեմբերի 9-ին Թուրքիայի նախագահ Ռեջեփ Թայիփ Էրդողանը հայտարարել էր, որ թուրքական կողմը Սիրիայում ռազմական գործողություն է սկսել: Այն «Խաղաղության աղբյուր» անվանումն է ստացել: