Արգենտինայի հավաքականի նախկին գլխավոր մարզիչ Դիեգո Մարադոննան կարճ ժամանակով հոսպիտալիզացվել է երեքշաբթի օրը՝ հուլիսի 12-ին, տեղի ունեցած ՃՏՊ-ից հետո, որի արդյունքում ստացել է ստացել է աննշան վնասվածքներ: Այս մասին հայտնում է France-Presse գործակալությունը:
Բժիշկների զննությունից հետո Մարադոննային և նրան ուղեկցող Վերոնիկա Օխեդային, որն այդ պահին նրա հետ գտնվել է մեքենայում, թողել են տուն: «Մարադոննան իրեն լավ է զգում և վթարի հետևանքով ոչ մի վնասվածք չի ստացել»,- ասել է հիվանդանոցի գլխավոր բժիշկ Օսկար Սիկոն: Ֆուտբոլիստի ընկերուհին ստացել է կողերի վնասվածք:
Միջադեպը տեղի է ունեցել Բուենոս Այրեսին մերձակա Էզեյզա քաղաքում, որտեղ գտնվում է ֆուտբոլիստի տունը:
50-ամյա ֆուտբոլիստը բազմիցս է եղել ՃՏՊ-ի մասնակից: 2010 թ. Մարադոննան մամլո ասուլիսից առաջ մեքենայով անցել է լուսանկարչի ոտքի վրայով: Այն ժամանակ նա հավաքականի գլխավոր մարզիչն էր: 2006 թ. բախվել է հեռախոսային խցիկին, որի բեկորներով վիրավորվել էին երկու մարդ:
