Այս գիշեր Ղրիմում կրկին սկսվել են էլեկտրականության հովհարային անջատումները: Ինչպես հաղորդվել էր, անցած կիրակի Ուկրաինան կրճատել է թերակղզի մատակարարվող էլեկտրաէներգիայի մատակարարումները: Երկուշաբթի ցերեկն Ուկրաինայից էլեկտրաէներգիայի մատակարարումը վերականգնվել էր, իսկ այնուհետև կրկին սկսվել էին խափանումները:
Ներկայում թերակղզին 80 տոկոսով կախված է էլեկտրաէներգիայի ներկրումից: Պաշտոնական պարզաբանումներում Կիևը հղում է անում վթարներին ու երկու բարձրվոլտային գծերի վերանորոգման աշխատանքներին՝ հայտնում է «Ռոսիա 24»-ը:
Ղրիմի վարչապետ Սերգեյ Ակսյոնովը տեղի ունեցածն անվանել էր դիվերսիա և իրադրության ապակայունացման փորձ:
Հատկանշական է, որ երկուշաբթի Հաագայում միջուկային անվտանգության հարցերով գագաթնաժողովի կուլիսներում Ուկրաինայի արտգործնախարարի պաշտոնակատար Անդրեյ Դեշչիցան խոստացել էր, որ Կիևն այլևս չի անջատի Ղրիմի էլեկտրականությունը:
