Ինչպես հաղորդում է PC World կայքը, հինգշաբթի օրը Apple ընկերության App Store խանութից իրականացվել է այդ ընկերության սարքերի համար նախատեսված 15 միլիարդերորդ հավելվածի ներբեռնումը: «Ընդամենը երեք տարվա ընթացքում հեղափոխություն ապահոված App Store-ը դարձել է ամենագրավիչը և հաջողակը ծրագրային ապահովման համաշխարհային շուկայում»,- հայտարարել է Apple ընկերության առաջին փոխնախագահ Ֆիլիպ Շիլլերը, որը զբաղվում է մարկետինգային կարգավորմամբ:
Նշվում է, որ App Store-ում այժմ կա 425 հազար հավելված, որոնցից 100 հազարը iPad պլանշետային համակարգիչների համար են: Այս վիրտուալ խանութի ծառայություններից օգտվել է 200 միլիոն մարդ աշխարհի 90 երկրներում: Երեք տարվա ընթացքում Apple-ը հավելվածների հեղինակներին վճարել է 2.5 մլրդ դոլար:
Ինչպես նշում է կայքը, App Store-ից ամեն ամիս ներբեռնվում է մինչև մեկ միլիարդ հավելված: Androaid-ն այս առումով զգալիորեն զիջում է Apple-ի օպերացիոն համակարգերի հավելվածներին: Android Market-ից ներբեռնված հավելվածների թիվը հասել է 5 մլրդ-ի:
