Մադրիդի «Ռեալ»-ի առաջատար Քրիշտիանու Ռոնալդուն մոտ է թիմի հունգարացի լեգենդար հարձակվող Ֆերենց Պուշկաշի ցուցանիշը գերազանցելուն:
Պուշկաշը «Ռեալ»-ի կազմում խփել է 242 գոլ՝ 261 խաղում (1 խաղում միջինը 0.93 գոլ): Ռոնալդուն ակումբի կազմում անցկացրած 235 խաղերում աչքի է ընկել 240 անգամ (1.02 գոլ 1 խաղում):
«Ռեալ»-ի պատմության մեջ ոչ մի հարձակվող մեկ խաղում չի խփել միջինը 1 գոլից ավելի: Բացի այդ, Պուշկաշին այդ արդյունքին հասնելու համար հարկավոր է եղել 8 մրցաշրջան, իսկ Ռոնալդուին՝ 5:
Պուշկաշի ցուցանիշը գերազանցելուց հետո Ռոնալդուն «Ռեալ»-ի պատմության մեջ լավագույն ռմբարկուների ցանկում կհայտնվի 4-րդ հորիզոնականում: Առաջին տեղում է Ռաուը (323 գոլ), երկորոդում՝ Ալֆրեդո դի Ստեֆանոն (307 գոլ), իսկ լավագույն եռյակը եզրափակում է Կարլոս Սանտիլյանան (290 գոլ):
Հիշեցնենք, որ Ռոնալդուն ընթացիկ մրցաշրջանում արդեն իսկ գերազանցել է թիմի 80-ականների աստղ Ուգո Սանչեսի ռեկորդը:
