ԱՄՆ Կոնգրեսի Ներկայացուցիչների պալատը Բելառուսում ժողովրդավարության և մարդու իրավունքների ամրապնդմանն ուղղված օրինագիծ է ընդունել: Այս մասին հաղորդում է BBC-ն:
Փաստաթղթում կոչ է արվում պաշտոնական Մինսկին բաց թողնել բոլոր քաղբանտարկյալներին: Օրինագծում նաև խոսվում է դեկտեմբերին Բելառուսում նախագահական ընտրությունների ժամանակ տեղի ունեցած խախտումների մասին:
Ավելի վաղ ԱՄՆ նախագահ Բարաք Օբաման հաստատել էր բելառուսցի պաշտոնյաների հանդեպ սանկցիաների կիրառումը` կապված ընդդիմադիրների և քաղաքացիական ակտիվիստների ակցիաները ցրելու և զանգվածային ձերբակալությունների հետ: Անցյալ չորեքշաբթի ևս ձերբակալվել են հարյուրավոր մարդիկ, որոնք հանդես են գալիս նախագահ Ալեքսանդր Լուկաշենկոյի քաղաքականության դեմ: