Լուրեր
Պարոն Գրիգորյան, դարձեք պետության խիղճը. Հայկ Կոնջորյանը հիշեց Արիստոտելին
  • 15:09
  • 2019-06-18
  • Դիտումներ՝ *

Այսօր՝ հունիսի 18-ին, Ազգային ժողովում հրավիրել է 7-րդ գումարման 2-րդ նստաշրջանը: Այժմ քննարկվում է Սահմանադրական դատարանի դատավորի ընտրության հարցը: ՀՀ նախագահը ՍԴ դատավորի թափուր տեղի համար առաջադրել է Վահե Գրիգորյանի թեկնածությունը:

«Ակնհայտ է, որ ՍԴ դատավորները ոչ գազաններ են, ոչ էլ աստվածներ: Ամեն ինչ, ինչի հետ առնչվում է մարդը, քաղաքական է»,- հայտարարեց «Իմ քայլը» խմբակցության պատգամավոր Հայկ Կոնջորյանը՝ վերհիշելով Արիստոտելին:

Նա նշեց, որ ինքը Վահե Գրիգորյանի հետ չի եղել ընկեր և ընկեր չէ. «Նա իր ելույթով է ինձ համոզել, որ իմ ձայնը ես տամ իրեն: Եղել է դա քաղաքական, իրավական, թե փիլիսոփայական՝ որոշեք ինքներդ»:

Հայկ Կոնջորյանի խոսքով՝ անհեթեթության ժանրից է այն, որ մամուլով տիրաժավորվում է Վահե Գրիգորյանի հետ ընկերության ոդիսականը. «Այս դահլիճում զգալի մասը Վահե Գրիգորյանի ընկերները չեն, բայց կիսում են նրա տեսլականը այս պետության ապագայի շուրջ»:

Պատգամավորը գրեթե վստահ է, որ Վահե Գրիգորյանը կընտրվի. «Պարոն Գրիգորյան, գնացեք և դարձեք պետության խիղճը»:

 

Մանրամասները՝ տեսանյութում:

  • Դիտումներ՝ *