Քիչ առաջ ավարտվեց իշխող Հանրապետական կուսակցության գործադիր մարմնի նիստը: Քննարկվել են ներկուսակցական և ներքաղաքական հարցեր:Այս մասին նիստից հետո լրագրողների հետ ճեպազրույցում ասաց ՀՀԿ խոսնակ, ԱԺ փոխնախագահ Էդուարդ Շարմազանովը
«Անդրադարձ է կատարվել մարտի 9-ին տեղի ունեցած ՏԻՄ ընտրություններին. քառասունից քսանութում հանրապետական կուսակցության ներկայացուցիչը հաղթանակ է տարել, երեքում՝ ԲՀԿ-ն, մեկում՝ ՀՅԴ-ն,մնացածում՝ անկուսակցակնները, բայց չորսը ցանկություն են հայտնել անդամագրվել ՀՀԿ-ին: Ստացվում է, որ երեսուներկու համայնքներում մեր կուսակցությունը հաղթանակ է տարել»:
Շարմազանովը հավելեց, որ հունիսի 8-ին Ջերմուկում և Գորիսում տեղի են ունենալու քաղաքապետի ընտրություններ,և ՀՀԿ-ն անպայման երկուսում էլ թեկնածու կունենա: Բացի այդ, մայիսի երկրորդ կեսին տեղի կունենա իշխող կուսակցության հերթական համագումարը:
ՀՀԿ խոսնակը անդրադարձավ նաև Ժիրինովսկու այն հայտարարությանը, թե Ղարաբաղը ևս Ղրիմի օրինակով պետք է մտնի Ռուսաստանիկազմի մեջև ասաց. «Տեղյակ եմ այդ հայտարարությունից. Արցախի նախագահ Բակո Սահակյանի խոսնակ Դավիթ Բաբայանը,մենք էլ մեր կողմից կարող ենք ՀՀԿ դիրքրոշումը ասել: Մեր կարծիքը մնում է անփոփոխ՝ Արցախի ժողովուրդը հանրաքվեով որոշել է Արցախի ճակատագիրը: Արցախի բնակչությունը կողմ է քվեարկել Արցախի Հանրապետությանը:
Հետաքրքվեցինք նաև՝ ինչ-որ միտում չի՞ տեսնում այս հայտարարության մեջ, ինչին ի պատասխան ՀՀԿ խոսնակն ասաց. «Ռուսաստանը, ԱՄՆ-ը և Ֆրանսիան համանախագահող երկրներ են: Նրանք բազմիցս հայտարարել են,որ Ղարաբաղյան հակամարտությունը կարգավորելիս բացառապես երեք նախապայման պետք է հաշվի առնել՝ ինքնորոշման իրավունք, ուժի չկիրառում, տարածքային ամբողջականություն»։
