Այս գիշեր շուրջ երկու տասնյակ դիմակավոր զինված անձինք Կիևի կենտրոնում ներխուժել են «Ուկրբիզնեսբանկ»-ի մասնաճյուղերից մեկը և փորձել են մտնել փողերի պահեստ, հաղորդում է ուկրաիանական UNIAN գործակալությունը:
Դեպքի վայր են ժամանել ոստիկաններ, ինչպես նաև «Տիտան» հատուկ ստորաբաժանման աշխատակցիները: Իրավապահները փակել են Մոսկովսկայա փողոցը:
Զինված անձինք վնասազերծել են բանկի աշխատակիցներին և փորձել մտնել պահեստ, որտեղ պարբերականի աղբյուրի տվյալներով՝ կա զգալի գումար: Դիմակավոր տղամարդկանց վերահսկողության տակ է գտնվում ֆինանսական հաստատության երկու հարկը: Անվտանգության աշխատակիցներից մեկի խոսքերով՝ ավազակախումբը լավ կազմակերպված է և զինված ատրճանակներով ու ավտոմատներով: Նախքան անվտանգության աշխատակիցների վրա հարձակվելը չարագործները հայտարարել են, որ չեն պատրաստվում թալանել բանկը, այլ մտադիր են վերահսկողություն սահմանել:
Մայդանի ինքնապաշտպանության ուժերը և «Աջ սեկտոր»-ը հերքում են իրենց մարդկանց մասնակցությունը բանկի գրավմանը:
Տեղի ժամանակով ժամը 3.58-ի դրությամբ կայացել է Մայդանի ինքնապաշտպանության ներկայացուցիչների և դիմակավոր անձանց բանակցությունները: Բանակցությունների արդյունքներով՝ հանցագործները համաձայնվել են հանձնվել և ազատել բանկը:
