News Georgia-ի փոխանցմամբ՝ ԵԽ մարդու իրավունքների եվրահանձնակատար Թոմաս Համարբերգը հայտարարել է, որ Վրաստանի դատական համակարգը պետք է ավելի լավ պաշտպանի մարդու իրավունքները.
«Դատական համակարգում առկա լուրջ թերությունների վերացման և այն ավելի թափանցիկ ու գործուն դարձնելու համար անհրաժեշտ են հավելյալ միջոցներ։ Չնայած դատական իշխանության անկախության ամրագրմանն ուղղված մի շարք քայլերին՝ վրացական իշխանությունները պետք է ջանքեր գործադնեն արդարադատության բարձրագույն խորհրդի և դատարանների անկախության վրա քաղաքական ազդեցության կանխման ուղղությամբ»։
Հիշեցնենք, որ ապրիլի 18-20-ը Համարբերգը գտնվել է Վրաստանում և պատրաստել համապատասխան զեկույց՝ հանդիպումներ ունենալով խորհրդարանի, դատական իշխանությունների, ոչ կառավարական կազմակերպությունների, ինչպես նաև Ռուսթավիի բանտարկյալների հետ։
