Ժնևի ավտոսրահում տեղի է ունեցել «Աշխարհում տարվա ավտոմեքենա» կոչման հավակնորդների վերջին ընտրությունը: Ժյուրին ընտրել է եզրափակիչ դուրս եկած եռյակին: Մրցույթի հաղթողը հայտնի կդառնա Նյու Յորքի ավտոսրահում, որը տեղի կունենա այս տարվա ապրիլին:
Այս տարի «Աշխարհում տարվա ավտոմեքենա» մրցույթում 5 անվակարգ է ներկայացված:
«Տարվա ավտոմեքենա» գլխավոր անվանակարգում առաջադրված են Audi A3-ը, BMW 4 Series-ը և Mazda 3-ը:
Նոր`«Տարվա շքեղ ավտոմեքենա» անվանակարգում առաջադրված են Bentley Flying Spur-ը, Mercedes-Benz-S-Class-ը և Range-Rover Sport-ը:
«Տարվա լավագույն սպորտային ավտոմեքենայի» կոչմանն են հավակնում Chevrolet Corvette Stingray-ը, Ferrari 458 Speciale-ը և Porsche 911 GT3-ը:
Էկոլոգիապես մաքուր ավտոմեքենաների շարքում այս տարի աչքի են ընկել Audi A3 Sportback g-tron-ը, BMW i3-ը և Volkswagen XL1-ը:
Ամենագեղեցիկ ավտոմեքենայի կոչմանն են հավակնում BMW i3-ը, Mazda 3-ը և Mercedes-Benz-S-Class-ը: