Հունաստանը հասել է երկիր մատակարարվող ռուսական բնական գազի արժեքի 15 տոկոսանոց զեղչի, որը մոտ կլինի միջին եվրոպական մակարդակին: Այս մասին հայտարարել է Հունաստանի վարչապետ Անտոնիս Սամարասը շրջակա միջավայրի, էներգետիկայի և կլիմայի փոփոխությունների հարցերով նախարարությունում անցկացված հանդիպումից հետո: Այս մասին հայտնում է ITAR-TASS-ը:
Նրա խոսքով՝ «Գազպրոմի» հետ պայմանավորվածությունը կհանգեցնի արտադրության և կենցաղային սպառման համար էներգակիրների ծախսերի նվազեցման: Նոր արժեքը կգործի 2013-ի հուլիսից:
Իշխանության հաշվարկներով՝ հունական տնտեսության համար ընդհանուր շահը տարեկան կգերազանցի 220 մլն եվրոն:
