Ֆուտբոլի Հայաստանի առաջնության 25-րդ տուրի վերջին խաղում միմյանց հետ մրցեցին «Արարատ-Արմենիա»-ն և «Շիրակ»-ը:
Առաջին կեսում թիմերին այդպես էլ չհաջողվեց գրավել միմյանց դարպասները: Երկրորդ կեսի 70-րդ րոպեին «Շիրակ»-ին առաջ մղեց Բունջամին Շաբանին: Այնուհետ` 80-րդ րոպեին «Արարատ-Արմենիա»-ից հաշվի հավասարությունը վերականգնեց Պետրոս Ավետիսյանը, չէր էլ անցել երկու րոպե, երբ «Շիրակ»-ը կրկին առաջ անցավ հաշվի մեջ:
Այս անգամ աչքի ընկավ Դավիթ Ղանդիլյանը: 85-րդ րոպեին «Արարատ-Արմենիա»-ից հաշվի հավասարությունը վերականգնեց Դմիտրի Գուզին: «Արարատ-Արմենիա»-«Շիրակ» 2:2:
Այս հանդիպումից հետո «Արարատ-Արմենիա»-ն, 39 միավորով երկրորդ հորիզոնակաում է զբաղեցնում է և մեկ միավորով է զիջում առաջատար «Ալաշկերտին»: «Շիրակը» 6-րդ տեղում է` 29 միավորով: