Առավոտյան, ինչպես արդեն տեղեացրել էինք, ԱԺ նիստում քվորում չի եղել։ Պատգամավորները խորհրդարան էին եկել օրվա երկրորդ կեսին։ «Իմ քայլը» խմբակցության պատգամավոր Տաթևիկ Հայրապետյանը լրագրողների հետ զրույցի ժամանակ տեղեկացրել է, որ նախապես որոշված է եղել, որ «Իմ քայլը» խմբակցության պատգամավորները պետք է մեկնեն Արցախ։ Եղանակային պայմաններից ելնելով՝ պատգամավորների մի մասը շուտ էր ճանապարհ ընկել, սակայն, տեսնելով, որ ԱԺ-ում քվորում չկա, վերադարձել էր։
«Այն պատգամավորները, որոնք արարողակարգի հետ կապված հրատապ խնդիր ունեին լուծելու, գնացին, մյուսները վերադարձան»,-ասել է Տաթևիկ Հայրապետյանը, ապա հավելել․ «Հանդիպումը վաղուց էր պլանավորած։ Փաշինյան-Ալիև հանդիպման հետ դա կապ չունի»։
