Բելառուսի նախագահ Ալեքսանդր Լուկաշենկոն և Լիբիայի առաջնորդ Մուամար Քադաֆին ոչ մի բանով իրարից չեն տարբերվում: Այս մասին ուրբաթ օրը հայտարարել է Եվրամիության նախագահող երկիր դարձած Լեհաստանի արտաքին գործերի նախարար Ռադոսլավ Սիկորսկին: Այս մասին հաղորդում է Reuters գործակալությունը:
«Բելառուսում, որտեղ կառավարում է Լուկաշենկոն, ստեղծվել է նույն իրավիճակը, ինչ Լիբիայում է, որի առաջնորդ, գնդապետ Մուամար Քադաֆին պետք է հրաժարական տա, քանի որ իշխանության է գտնվում արդեն 42 տարի շարունակ. դա ավելի քան բավարար է»,- ասել Սիկորսկին:
Սիկորսկին չի բացառել, որ Բելառուսը կարող է դուրս մնալ Արևելյան Եվրոպայի երկրների հետ ԵՄ համագործակցության ծրագրերից: Նա հավելել է, որ համագործակցության զարգացումը կախված է Բելառուսի իշխանությունների գործողություններից: Նա կոչ է արել ազատ արձակել քաղաքական բանտարկյալներին, որոնք դարձել են քաղաքական հետապնդումների և նախագահական խարդախ ընտրությունների զոհ, որոնք կայացել են անցած տարի:
«Եթե Լուկաշենկոն դա անի, այդ ժամանակ կարող ենք խոսել»,- նշել է Լեհաստանի արտգործնախարարը:
