Փետրվարի 12-ին Սոչիի 22-րդ ձմեռային օլիմպիական խաղերում վիճարկվեց մեդալների 6 հավաքածու:
Մեդալային օրն ավելի հաջող ստացվեց երկու ոսկե մեդալ նվաճած գերմանացիների համար։ Շվեյցարիայի, Սլովենիայի, Ռուսաստանի, ԱՄՆ-ի և Հոլանդիայի ներկայացուցիչները նվաճեցին մեկական չեմպիոնական տիտղոս։
Հիշեցնենք, որ լեռնադահուկի կանանց արագընթաց վայրէջքի մրցումներում չեմպիոնները երկուսն էին։ Շվեյցարիան ներկայացնող Դոմինիկ Գիզին եւ սլովենացի Տինա Մազեն գրանցեցին նույն արդյունքը։
Մրցանակային օրվանից հետո մեդալի արժանացել են 22 երկրներ։ Մեդալների հաշվարկը գլխավորում է Գերմանիան, որն ունի 6 ոսկե մեդալ։ 4-ական տիտղոսներ ունեն Կանադան, Նորվեգիան և Հոլանդիան։ ԱՄՆ-ն երեք ոսկե մեդալով եզրափակում է լավագույն հնգյակը։
