Ադրբեջանական 1news.az կայքի փոխանցմամբ՝ հայտնի է դարձել, թե որ երկրներն են մասնակցել ՄԱԿ-ի ԳԱ-ում ընդունված «Աբխազիայից և Հարավային Օսիայից փախստականների ու ներքին տեղահանվածների մասին» բանաձևի քննարկմանը։ Դրա օգտին քվեարկել է 57 երկիր, դեմ՝ 13 երկիր, իսկ 74 երկիր էլ ձեռնպահ է մնացել։
ՄԱԿ-ի մամլո ծառայության տարածած հաղորդագրության մեջ նշված է, որ այդ բանաձևին աջակցել են ԱՄՆ-ը, Մեծ Բրիտանիան, Ադրբեջանը, Մերձբալթյան երկրները, Վանուատուն և այլ երկրներ։
Բանաձևին դեմ են քվեարկել Հայաստանը, Ռուսաստանը, Կուբան, Հյուսիսային Կորեան, Լաոսը, Մյանման, Նիկարագուան, Սերբիան, Շրի Լանկան, Սուդանը, Սիրիան, Վենեսուելան և Վիետնամը։
Ձեռնպահ են մնացել Թուրքիան, Կիպրոսը, Իսրայելը, Ղրղզստանը, Շվեյցարիան, Տաջիկստանը, Մակեդոնիան և այլ երկրներ։
Հիշեցնենք, որ Ռուսաստանը կտրուկ դեմ է հանդես եկել այդ բանաձևին՝ մյուս երկրներին կոչ անելով դեմ քվեարկել։
Վրացական կողմը բանաձևի ընդունումից հետո տվյալ բանաձևը չափազանց կարևոր համարեց, քանի որ այն ևս մեկ անգամ հաստատում է Ռուսաստանի կողմից վրացական տարածքների օկուպացման փաստը և իրենց տները վերադառնալու փախստականների իրավունքը։
