«Ինձ համար շատ կարևոր է, որ այս գործի շրջանակներում նախաքննությունը հնարավորինս արագ ավարտվի, և գործը՝ մեղադրական եզրակացությամբ, ուղարկվի դատարան՝ ըստ էության քննելու»,- «Առաջին լրատվական»-ի հետ զրույցում ասաց փաստաբան Նորայր Նորիկյանը՝ անդրադառնալով Մանվել Գրիգորյանին կրկին կալանավորելու փաստին:
Նա հավելեց, որ հաշվի առնելով Մանվել Գրիգորյանին մեղսագրվող հանցագործությունները, հանրության համար դրանց առերևույթ վտանգավորության աստիճանը, բնույթը, առանձնահատկությունը՝ վարույթ իրականացնող մարմնի դիրքորոշումն է եղել հանգելու այն հետևության, որ տվյալ փուլում Մանվել Գրիգորյանի մնալը անազատության մեջ հնարավորություն կտա ավելի օբյեկտիվորեն քննել քրեական գործը. «Բայց մեր հասարակության մեջ երբեմն ոչ ճիշտ ընկալում կա խափանման միջոցների և պատժի վերաբերյալ»:
Փաստաբանի խոսքով՝ ընդհանրապես մենք խնդիր ունենք. գործերի քննման ողջամիտ ժամկետները գտնվում են ողբալի վիճակում. «Անհրաժեշտ է շատ լուրջ վերլուծության ենթարկել հասարակության տարբեր կողմերից եկող այս դժգոհություններն ու մեսիջները, և պետք է օրուգիշեր աշխատել, որպեսզի արագ ավարտվի քրեական գործերի նախաքննությունը»:
Հարցազրույցն ամբողջությամբ՝ տեսանյութում: