Friday, 29 03 2024
Եթե դելիմիտացիա, ապա հավասարության սկզբունքով, ոչ թե՝ «ատրճանակի սպառնալիքի տակ»
Վարագույրից այն կողմ կան շահեր, որոնք թույլ չեն տալիս Մարտի 1-ի բացահայտումը
15:10
Ճապոնիայում կենսաբանական հավելումների օգտագործման հետևանքով զոհերի թիվը հասել է 5-ի
Այո՛, օրենք են խախտել, երկրով մեկ օրենքի խախտումներ են հենց վարչապետի մասնակցությամբ
Խորհրդարանական լսումներ կհրավիրվեն Եվրաինտեգրման նոր հեռանկարները և մարտահրավերները թեմայով
Թող դատարանը որոշի ահաբեկչությո՞ւն էր, թե ապստամբություն.Պապյան
15:01
Ամերիաբանկը ճանաչվել է 2024 թ-ի լավագույն բանկը Հայաստանում ըստ Global Finance ամսագրի
Ինչի՞ է նախապատրաստվում Ալիեւը
«Կրոկուս սիթի հոլ»-ում ահաբեկչության վիրավորների թիվը հասել է 382-ի, ևս 1 մարդ զոհվել է
«Մանրամասներ»․ Դավիթ Ստեփանյանի հետ
Պաղեստինի նոր կառավարության ԱԳ նախարարը ծագումով հայ է և կին
Պապոյանը Կորեայի պաշտոնյային ներկայացրել է Հայաստանի ներդրումային հնարավորությունները
Հայտնի են ձվի շուկայում միջանկյալ ստուգումների արդյունքները
14:00
Live. «Առաջին լրատվական» տեղեկատվական-վերլուծական կենտրոն
Լուրերի օրվա թողարկում 14։00
13:45
«Մենք ապրում ենք նախապատերազմական փուլում». Լեհաստանի վարչապետ
ՌԴ-ն պատրաստ է նպաստել հայ-ադրբեջանական հարաբերությունների կարգավորմանը․ Սերգեյ Լավրով
Ուղիղ. ԱԺԲ խորհրդի անդամների ասուլիսը
Իսրայելը շարունակում է նախապատրաստվել Ռաֆահ քաղաքում գործողությանը. Նեթանյահու
13:15
Ուկրաինան հայտնել է էներգետիկ օբյեկտներին ուղղված ռուսական զանգվածային հարվածների մասին
Իսկ եթե Ալիեւը լիբերալ աշխարհի դաշնակից դառնա՞
Ոստիկանության Նոր Նորքի բաժին ներխուժելու դեպքով քրեական վարույթի շրջանակներում խուզարկություններ են անցկացվում շուրջ 4 տասնյակ վայրերում
Առցանց անմաքս առևտրի շեմը նվազում է
Հորը բռնության ենթարկելու, հարևանի կնոջը սպանելու համար մեղադրվողը տեղափոխվել է հոգեկան առողջության կենտրոն
«National Geographic»-ը «գինու» շրջագայություն է իրականացրել Հայաստանում
Կաթնամթերքի արտադրամասի արտադրական գործունեության կասեցումը վերացվել է
«Երևանի ավտոբուս» ՓԲԸ տնօրենն աշխատանքից ազատման դիմում է ներկայացրել
ՍԱՏՄ-ն ներկայացրել է ձվի արտադրության և իրացման շուկայի վերահսկողության միջանկյալ արդյունքները
ՌԴ իշխանությունները հայտնել են Բելգորոդի երկնքում 15 թիրախ ոչնչացնելու մասին
-
12:40
Գործ ունենք դավաճանական շղթայի հետ, որը կառավարում է Ռուսաստանը

Զգուշացնում եմ բոլոր դեսպաններին՝ այսուհետ վերահսկելու ենք

«Առաջին լրատվական»- ի զրուցակիցն է «Լուսավոր Հայաստան» խմբակցության պատգամավոր Արման Բաբաջանյանը:

-Ճի՞շտ է արդյոք ԱԺ արտաքին հարաբերությունների մշտական հանձնաժողովի նախագահի թեկնածությունը քննարկելիս այսօր ծավալված բանավեճը համարել սկանդալ «Լուսավոր Հայաստան»- ի և ԲՀԿ-ի միջև:

-Ո՛չ, ճիշտ չէ, որովհետև բարձրացված հարցերը ամենևին չեն առնչվել ԲՀԿ-ին. ԲՀԿ խմբակցության պատգամավորներից մեկի հոր անունն է շոշափվել իմ ելույթում:

-Որից դուք տեղյակ չե՞ք եղել:

-Տեղյակ եմ եղել, բայց ես չեմ կարող իմ ելույթները պայմանավորել այս կամ այն պատգամավորի ներկայությամբ և կաշկանդված լինել դրանով: Իմ հասցեատերը եղել է իշխող «Իմ քայլը» խմբակցությունը, և այդ կուսակցությունների դաշինքի կողմից առաջադրված արտաքին հարաբերությունների հանձնաժողովի նախագահը: Ես վկայաբերել եմ փաստեր, իրողություններ, որոնք չափազանց կարևոր են, որպեսզի լինեն խորհրդարանական վերահսկողության դաշտում: Ես չափազանց կարևորում եմ արտաքին քաղաքական գերատեսչության նկատմամբ ԱԺ- ի վերահսկողական գործառույթները վերահաստատելը: Ես ցանկացա, որ այդ փաստերի արծարծումը սթափեցնի թեկնածուին, որը վստահաբար կստանձնի արտաքին հարաբերությունների հանձնաժողովի նախագահությունը, և նախկին պրակտիկան ուղղակի որևէ ձևով կիրառելի չի լինի նոր ԱԺ-ում: Տեղի ունեցավ մի բան, որը գուցեև սկանդալի էր նման, բայց մենք նման մտադրություն չենք ունեցել, և ընդհանրապես մենք մեր գործողություններն ԱԺ-ում չենք կառուցում՝ ԲՀԿ խմբակցության մեր գործընկերներին մեզ համար հասցեատեր դիտարկելով:

Այդ դեպքում անցյալի դիվանագետներին հղումներ անելն ինչո՞վ է պայմանավորվում:

-Ես վկայաբերել եմ և՛ անցյալում, և՛ ներկայում նշանակված դիվանագետներին, ինձ համար տարբերություն չի եղել: Ես գտնում եմ, որ ընդհանրապես սրանից հետո քաղաքական նշանակումները պետք է բացառվեն: Նոր Հայաստանում պիտի առաջնահերթություն տրվի բացառապես կադրային դիվանագետներին: 20 տարի անընդմեջ մենք տեսել ենք քաղաքական նշանակումներ, քաղաքական նպատակահարմարությամբ նշանակումներ, և 20 տարի շարունակ մեր արտաքին գերատեսչության շատ որակյալ կադրեր ուղղակի հնարավորություն չեն ունեցել Հայաստանը պատշաճորեն ներկայացնել աշխարհում, կապ չունի՝ հաջողած դեսպան է այդ քաղաքական դեսպանը, թե չհաջողած, ես վկայաբերել եմ վատ օրինակները, նաև հատկապես նրանց, ովքեր նշանակվել են Սերժ Սարգսյանի օրոք և շարունակում են պաշտոնավարել: Իմ մտահոգությունները վերաբերել են հատկապես նրանց: Խոսել եմ Վրաստանում Հայաստանի դեսպանի, Ռուսաստանում Հայաստանի դեսպանի մասին. չեմ հասկանում՝ ինչպես են նրանք շարունակում պաշտոնավարել, երբ կուտակված ահռելի հարցեր կան երկու ուղղություններով էլ:

-Ի դեպ, նրանք արդեն արձագանքել են:

-Գիտեմ, արձագանքել է նաև Ռումինիայում Հայաստանի դեսպանը: Լավ է, որ արձագանքել են: Ես հասկանում եմ, որ նրանք վախենում են, որ մեր այսքան հետևողական և ուշադիր աշխատանքի արդյունքում նրանց կարող են ետ կանչել, և նրանք հաստատապես խնդիրներ են ունենալու: Իսկ նրանց գործունեությունը հետայսու լինելու է ԱԺ-ում մեր խմբակցության ուշադրության կենտրոնում, և ընդհանրապես ես հորդորում եմ իշխող խմբակցության գործընկերներին՝ դիվանագիտական կորպուսի աշխատանքն ամբողջությամբ վերցնել ԱԺ-ի վերահսկողության տակ:

-Ի՞նչ մեխանիզմներով:

-Մեխանիզմների մասին է, որ պետք է խոսենք, պիտի հասկանանք՝ ինչ գործիքակազմով, ինչպես պետք է իրականացնել վերահսկողություն, հստակ ժամանակացույց պետք է սահմանել, և ժամանակ առ ժամանակ՝ տարին մեկ-երկու անգամ գործող դիվանագետները պետք է ներկայանան ԱԺ: Իսկ մինչև հրամանագրվելը (իմ ելույթը կառուցված էր հենց դրա վրա), ինչպես ԱՄՆ-ում, նրանք պետք է գան ԱԺ գլխադասային հանձնաժողով և հանձնաժողովի անդամների ներկայությամբ խոսեն իրենց պատկերացումների, այդ երկրում Հայաստանը ներկայացնելու իրենց տեսլականի մասին, այն մասին, թե ինչպես են պատրաստվում Հայաստանի շահն առաջ մղել այդ երկրում: Պիտի բացառենք նախկին արատավոր պրակտիկան ու սովորությունները: Հնչում են մարդկանց անուններ, ովքեր սերտորեն կապեր են ունեցել քրեական տարրերի հետ և այդ բարքերի կրողն են եղել: Ամեն ինչ պետք է անենք, որպեսզի Հայաստանի հեղինակությունն ու վարկը դիվանագիտական աշխատանքի շնորհիվ կարողանանք նոր որակի բարձրացնել:

-Տպավորություն չստեղծենք, թե բոլոր դիվանագետներն են այդպիսին եղել:

-Ամենևին: Ես դրա համար մատնանշել եմ մտահոգող երկրներ, որտեղ պետք է շատ ուշադիր և հետևողական լինել, ընդհանրապես նախկին նշանակումների հետ կապված մտահոգություններին պետք է ականջալուր լինել, արագ արձագանքել և տեսնել, թե որտեղ ինչ խնդիրներ կան:

-Անձնական շահագրգռվածությունները մի կողմ թողնելով, այնուամենայնիվ, այսօրվա բանավեճն ինչքանո՞վ կարելի է քաղաքական համարել:

-Իմ ելույթն ամբողջությամբ եղել է քաղաքական: Ես անձնապես որևէ մեկին վիրավորելու նպատակ չեմ հետապնդել, ամբողջությամբ եղել է քաղաքական տրամաբանության մեջ: Ես շարունակելու եմ իմ գործունեությունը արտաքին հարաբերությունների հանձնաժողովում, այսօր մեր խմբակցությունն արդեն որոշում կայացրեց: Եվ ես զգուշացնում եմ, որ որևէ դեսպան որևէ երկրում դուրս չի մնալու մեր ուշադրությունից, և Հայաստանի արտաքին քաղաքական գերակայությունները, առաջնահերթությունները մենք սահմանելու ենք, գտնելու ենք վերահսկողական գործիքների կիրառման այնպիսի եղանակներ, որոնք հնարավորություն կտան մեր արտաքին քաղաքական գերատեսչությանը (որի աշխատանքի նկատմամբ լրջագույն վերապահումներ ունենք, որովհետև մենք հապաղել ենք բոլոր ճակատներով) արդյունավետ կերպով վերահսկել և հասկանալ, թե այն բոլոր օրենսդրական նախաձեռնությունները, որ գալիս են ԱԺ, հաստատվում են, որքանով են գործադրվում, որքանով են կիրառվում:

Հարցազրույցն ամբողջությամբ՝ տեսանյութում:

Բաժիններ
Ուղիղ
Լրահոս
Որոնում