Չինաստանը մի քանի պետական ձեռնարկությունների խնդրել է խուսափել ԱՄՆ և նրա դաշնակից երկրներ գործուղումներից, հաղորդում է Bloomberg-ը: Խոսքը Մեծ Բրիտանիայի, Կանադայի, Ավստրալիայի և Նոր Զելանդիայի մասին է: Նշվում է, որ Չինաստանի իշխանությունները նաև խնդրել են լրացուցիչ նախազգուշական միջոցառումներ ձեռնարկել՝ գնացքներում էլեկտրոնային սարքավորումների պաշտպանության համար:
Գործակալությունը հավելել է, որ պետական ակտիվների վերահսկողության և կառավարման չինական հանձնաժողովը որոշ ընկերությունների հանձնարարել է աշխատակիցներին արտերկիր գործուղման ուղարկել միայն պաշտպանված նոթբուքերով և ֆլեշ քարտերով:
Չինաստան-ԱՄՆ հարաբերությունները լարված են դեկտեմբերի 1-ից, երբ ԱՄՆ-ի հարցմամբ Կանադայում ձերբակալվել է Huawei-ի թոփ մենեջեր Մեն Վանչժոուն՝ Իրանի դեմ ամերիկյան պատժամիջոցները խախտելու պատճառով: Ի պատասխան դրա՝ Չինաստանը Կանադայի երկու քաղաքացու է ձերբակալել:
