Հուլիսի 20-ին Հայաստանի հարցով համազեկուցողներ Ջոն Պրեսկոտն ու Աքսել Ֆիշերը կժամանեն Հայաստան:
Այս մասին այսօր տեղեկացրեց ԵԽԽՎ-ում հայաստանյան պատվիրակության անդամ Զարուհի Փոստանջյանը: Նա նաև տեղեկացրեց, որ այս որոշումն ընդունվել է ԵԽԽՎ ամառային նստաշրջանի Մոնիթորինգի նիստի ժամանակ:
Փոստանջյանը նշեց, որ, ըստ նախնական պայմանավորվածությունների, ԵԽԽՎ աշնանային նստաշրջանի ժամանակ համազեկուցողները կներկայացնեն Հայաստանի պարտավորությունների կատարման մասին զեկույց և բանաձևի նախագիծ:
Պատգամավորը նաև խոսեց ԵԽԽՎ գիտության, կրթության, մշակույթի հանձնաժողովի նիստում իր ներկայացրած՝ հայաստանյան էլեկտրոնային լրատվամիջոցների ազատության վերաբերյալ զեկույցի և բանաձևի նախագիծի մասին՝ նշելով, որ այն նախնական քննարկումների փուլում է գտնվում, և հունվարին կքննարկվի ու կընդունվի լիագումար նիստում:
