Ինչպես հայտնի է, ամռանը «Բավարիա»-ի կազմը համալրելու է հարձակվող Ռոբերտ Լևանդովսկին, ով ներկայումս ելույթ է ունենում Դորտմունդի «Բորուսիա»-ում: Դրանից ելնելով` լիովին հնարավոր է, որ իր ակումբային գրանցումը կցանկանա փոխել մյունխենցիների հարձակվող Մարիո Մանջուկիչը:
Ճիշտ է, Լեհաստանի հավաքականի ֆուտբոլիստի տեղափոխության մասին հայտարարությունից հետո Գերմանիայի գործող չեմպիոնի ղեկավարները նշեցին, որ խորվաթ գոլահարի տրանսֆերը չի վաճառվում, սակայն դրանում վստահ չէ գլխավոր մարզիչ Պեպ Գվարդիոլան: Պետք է նշել, որ վերջինս Մանջուկիչին չէր ընդգրկել Մյունխենգլադբախի «Բորուսիա»-ի դեմ վերջին հանդիպման հայտացուցակում:
«Մենք խաղացողների շատ մեծ ընտրություն ունենք, և մեկ կամ երկու ֆուտբոլիստներ կարող են ոչ միշտ ընդգրկվել հայտացուցակում: Մարիոն հիանալի կատարող է, բայց դա վերաբերվում է «Բավարիա»-ի բոլոր ֆուտբոլիստներին:
Երբեմն այս կամ այն հանդիպման համար ինձ պետք են մի քանի ֆուտբոլիստներ, իսկ հետո` այլ խաղացողներ: Մանջուկիչի վերաբերյալ ես պետք է որոշում կայացնեմ»,- ասել է իսպանացի մասնագետը:
