ՀՀ քննչական կոմիտեն ընտրական գործընթացների վերաբերյալ այսօր ստացել է ընդամենը մեկ հաղորդում: ԿԸՀ տեղեկատվական կենտրոնում այս մասին հայտնեց ՔԿ հատուկ կարևորության գործերի քննության վարչության ընդհանուր բնույթի և ընտրական հանցագործությունների քննության վարչության պետ Կամո Սահակյանը:
«Խախտումը վերաբերել է ընտրողի ազատ իրավունքի իրականացմանը խոչընդոտելուն: Իրականացվում են համապատասխան գործողություններ: Այս պահի դրությամբ՝ քրեական գործեր չեն հարուցվել»,- ասաց Սահակյանը՝ հավելելով, որ Քննչական կոմիտեի նախագահի հրամանով ստեղծել է աշխատանքային խումբ:
Մինչ դեկտեմբերի 9-ը տեղի ունեցած դեպքերի վերաբերյալ Քննչական կոմիտեն ստացել է 6 հաղորդում, բոլորը՝ մարզերից: Դրանք վերաբերել են քարոզչություն իրականացնելը խոչընդոտելուն, ընտրակաշառք բաժանելուն և այլ դեպքերի:
