«Մանչեսթեր Յունայթեդ»-ի նախկին գլխավոր մարզիչ սըր Ալեքս Ֆերգյուսոնը կարծում է, որ Անգլիայի Պրեմիեր լիգայում չեմպիոնության համար դեռևս պայքարում են 5-6 ակումբներ:
«Վերջին տարիների ընթացքում առաջին անգամ այս մրցաշրջանում թվում է, որ տիտղոսի համար իսկապես պայքարում են 5 կամ 6 թիմեր: Պրեմիեր լիգայում հաղթելը մնում է ոչ հեշտ խնդիր: Ես կարծում եմ, որ անգլիական առաջնությունն ամենաազնիվ ու ամենաբարդն է` հաշվի առնելով մրցակցության մակարդակը: Այստեղ կարելի է պարտվել յուրաքանչյուր մրցակցի:
«Մանչեսթեր Սիթի»-ն շատ լավ է խաղում, դրանում կասկած չկա, բայց մյուս թիմերը, որոնք այս պահին մրցաշարային աղյուսակի վերնամասում են, նույնպես ունեն հաղթանակի մեծ հնարավորություններ: «Արսենալ»-ը կպայքարի մինչև վերջ, թեև այդ թիմին միշտ հանում են չեմպիոնության համար պայքարողների ցանկից, բայց այժմ առաջնության 2-րդ շրջանն է, և «զինագործներ»-ը մնում են առաջատարների թվում: Դեռ կան «Չելսի»-ն, «Էվերթոն»-ը, «Տոտենհեմ»-ը, որոնք սկսել են լավ արդյունքներ ցույց տալ: «Յունայթեդ»-ի մոտ մշտապես հաջող է ստացվում մրցաշրջանի 2-րդ հատվածը: Մենք ֆանտաստիկ առաջնություն ունենք և պետք է հպարտանանք դրանով»,- ասել է շոտլանդացի մասնագետը:
