Ամերիկացի երգչուհի Բրիթնի Սփիրսը զարդարել է Vegas ամսագրի փետրվարյան համարի շապիկը:
Փոփ-աստղը դարձել է ամսագրի թարմ համարի հերոսուհին՝ ներկայանալով շքեղ հագուստներով և ցուցադրելով իր գեղեցկությունը:
Հիասքանչ լուսանկարներից բացի՝ Vegas-ի էջերին է հայտնվել նրա անկեղծ հարցազրույցը, որտեղ Բրիթնին պատմել է իր կարիերայի և ընտանիքի մասին: Երգչուհու խոսքերով՝ աշխատանքն ու մայրությունը համատեղելը շատ բարդ է:
«Երբ ես մայր եմ, ապա 100-տոկոսանոց մայր եմ,-ասում է երգչուհին: -Ես անընդհատ հուզվում եմ, անհանգստանում եմ և ամբողջովին երեխաներիս եմ նվիրվում: Սակայն երբ բեմ եմ բարձրանում, ստիպված եմ այլ մարդու փոխակերպվել՝ իմ բեմական կերպարին: Դա ինձ համար թերապիա է՝ ուղղակի ուրախանալ և մոռանալ ամեն ինչ»:
