Սիցիլիական մաֆիան 1990-ականների սկզբին ծրագրել էր պայթեցնել Պիզայի աշտարակը: Այս մասին դատարանում պատմել է նախկին ավազակը, ով համագործակցում է քննության հետ: Այս մասին հայտնում է Adnkronos International-ը:
Ջոակինո Լա Բարբերայի խոսքով՝ «Կոզա Նոստրան» ծրագրել էր ահաբեկչությունն իրականացնել 1992 թվականին: Նրա հանգուցյալ առաջնորդ Նինո Ջոեն իրեն ասել է. «Պատկերացրու, ինչ կլինի, եթե մի օր Իտալիան զարթնի ու տեսնի, որ Պիզայի աշտարակն այլևս գոյություն չունի»: Մաֆիոզները կարծել են, որ պայթյունն իշխանություններին կստիպի զիջումների գնալ:
Այլ հնարավոր թիրախների թվում դիտարկվել են Հովհաննես Մկրտչի տաճարը (Լատերա), Սան Ջորջիո ին Վելաբրո եկեղեցին (Հռոմ), ինչպես նաև Ֆլորենցիայի Գյուղատնտեսական ակադեմիայի շենքը: Օպերացիան ստիպված են եղել կասեցնել մաֆիայի մի քանի պարագլուխների ձերբակալություններից հետո:
Իտալացի քաղաքական գործիչների հետ «Կոզա Նոստրայի» համագործակցության մասին գործով Լա Բարբերան անցնում է որպես ականատես: Դատն անցկացվում է Պալերմո քաղաքում:
