Հոլանդիայի Վեյկ Ան Զեե քաղաքում շարունակվում է Tata Steel Chess շախմատային սուպերմրցաշարը, որի 9-րդ տուրում հայ գրոսմայստեր Լևոն Արոնյանն այսօր ուժերը չափեց Ռուսաստանի ներկայացուցիչ Սերգեյ Կարյակինի հետ:
Հայաստանի հավաքականի առաջին համարը հանդես էր գալիս սպիտակ խաղաքարերով: Պարտիան ավարտվեց 61-րդ քայլում` հայ շախմատիստի հաղթանակով:
Արոնյանն այս հաղթանակից հետո վաստակեց 7 միավոր և այժմ էլ ավելի մեծ առավելությամբ է գլխավորում մրցաշարային աղյուսակը: Մրցաշարում վաղը հանգստյան օր է, իսկ հունվարի 25-ին Արոնյանը հարաբերությունները կպարզի կուբացի Լենյեր Դոմինգեսի հետ:
