Նիկոլ Փաշինյանը Աստանայում հայ համայնքի հետ հանդիպման ժամանակ հայտարարեց, որ 350 հազար մարդ աշխատում է, որ պահի 800 հազար հոգու։ Այս հայտարարությունը ոչ միանշանակ արձագանք ունեցավ։
Եթե պարզեցված նայենք այս խնդրին, ապա, իրոք, անարդար է՝ մի հատվածն աշխատում է, ու այդ հատվածի հարկերի շնորհիվ ապրում են անապահովներ, կենսաթոշակառուներ։ Բայց արդյո՞ք այս թիվը ընդգրկում է բևեռները, որոնք ոչ թե չեն կարող աշխատել, այլ պարզապես ի վիճակի չեն «Առաջին լրատվական»-ի հարցին մշակութային մարդաբան Աղասի Թադևոսյանը պատասխանեց․ «Որքան ես հասկանում եմ՝ այդ 800 հազարի մեջ մտնում են նաև կենսաթոշակառուները, որոնք կազմում են շուրջ 460 հազար, ինչպես նաև հաշմանդամները և այլ կարգի նպաստառուները։
Վերջին հաշվով, այս թվի մեջ մտնում են նաև այն ընտանիքները, որոնք ծայրահեղ աղքատ վիճակում են, և իրենք այդ վիճակում հայտնվել են ոչ իրենց կամքով»։
«Հայաստանում աղքատությունը սկսեց ձևավորվել դեռ Խորհրդային միության շրջանում։ 1989 թվականի վիճակագրությամբ՝ Հայաստանը Խորհրդային միության աղքատ երկրներից մեկն էր՝ 18 տոկոս աղքատություն կար։ Պարզապես կա ընդհանրացված կարծիք, թե իբր Հայաստանը եղել է Խորհրդային միության հանրապետություններից ամենաբարեկեցիկներից մեկը, բայց իրականում այդպես չի եղել»,- հավելեց բանախոսը։
Ամբողջությամբ՝ տեսանյութում։