«Հրապարակ»-ը գրում է. «Ռոբերտ Քոչարյանի հարցազրույցը «մեծ փոփոխությունների» ստարտ է հանդիսացել ոչ միայն քաղաքական, լրատվական դաշտի, այլև խորհրդարանի ու պատգամավորների համար, որտեղ ներքին պրոցեսներ են ընթանում: Այս առումով հետաքրքիր է խորհրդարանի ջավախյան կորպուսը. ՀՀԿ ցուցակով պատգամավոր դարձած Շիրակ Թորոսյանին ավելի շատ կարելի է տեսնել ԲՀԿ-ի սենյակներում, քան ՀՀԿ-ի:
Տեսակետ կա նաև, որ ԲՀԿ-ական ջավախեցի Ստեփան Մարգարյանը սրսուռ քոչարյանական է: Սակայն, ըստ մեր աղբյուրների, դա ընդամենը արտաքին շղարշն է: «Շիրակին, Տաճատին, ինչպես նաև Ստեփանին դեպուտատ է սարքել ախալքալաքցի Նորոն` Նորիկ Թևանյանը, որպեսզի ջավախահայությունը հնարավորինս ներկայացված լինի պառլամենտում, Թևանյանը խնդրել է Սերժ Սարգսյանին` Շիրակին ու Տաճատին ներառել է ՀՀԿ, իսկ Ստեփանին` ԲՀԿ ցուցակում:
Նրանք բոլորն էլ Նորոյի կանտրոլի տակ են, և պատգամավորական «ինվենտարիզացիայի» ժամանակ նրանցից որևէ մեկը որևէ տեղ չի գնա»,- տեղեկացրեց նույնպես ջավախեցի մեր աղբյուրը:
Մանրամասները՝ թերթի այսօրվա համարում:
Լուսանկարը՝ Hetq.am-ի
