Իր զուգընկերոջ հետ հարաբերությունները խզելու համար կինը որոշել է ավելորդ կիլոգրամներ հավաքել: Այս մասին գրում է Federal Post-ը:
Լուիզա ՄաքԷլհինին նպատակաուղղված քաշ է հավաքել, որպեսզի իր զուգընկերոջը ստիպի խզել իր հետ հարաբերությունները: Լոնդոնի բնակչուհին ստիպված է եղել օգտագործել բարձր կալորիականություն ունեցող և անառողջ սնունդ, որի արդյունքում նրա քաշը հասել է 114 կգ-ի:
37-ամյա Լուիզան իր նպատակին հասնելուց հետո վերականգնել է նախկին կազմվածքը:
«Հարաբերությունների խզումից հետո ես ավելի ուրախ մարդ դարձա և որոշեցի ինձ ու իմ մարմինը կարգի բերել: Ես ցանկանում էի կրկին գեղեցիկ զգեստներ և բարձրակրունկ կոշիկներ կրել` ինչպես իմ ընկերուհիները»,- ասել է նա:
Աղջիկը խոստովանել է, որ չէր ցանկանում նոր հարաբերություններ սկսել, քանի որ ատում էր ինքն իրեն գիրանալու պատճառով: Նիհարելու հարցում Լուիզային ոգեշնչել է ընկերուհին, ով նախկինում նրանից ավելի գեր է եղել, սակայն կարողացել է նիհարել և փոխվել:
